منوعات
04 ديسمبر 2016 ( 1254 المشاهدات )
الإعلانات

ازاي تظبط بنات في الجامعة

عايزين نقول شويه نصايح مهمة للشباب الى داخلين جامعة علشان يركزوا كدا لان الفترة دى مختلفة تماما عن فترة الثانوى يمكن فترة الثانوى اكئب فترة هاتعيشها فى حياتك وفترة الكلية احسن فترة هاتعيشها فى حياتك كلها 
والنصايح دى بتتلخص في اهم حاجتين في الجامعة وهما المذاكرة وتظبيط البنات

المذاكرة

• اوعى تفتكر ان المذاكرة فى الجامعة زى الثانوى .. اطلاقا .. ماتجهدشى نفسك فى الاول وتجرى تدور على جدول المحاضرات والكتب والكلام ده .. اهم حاجه انك تذاكر أخر شهر بس بذمة

• لازم يكون ليك صاحب او صاحبة من الى بيحضروا كل المحاضرات وياريت يكون خطه حلو .. ويكون بيكتب فى محاضراته على الحاجات المهمة جدا الى الدكتور بيقولها .. وبرده عشان تعرف منه الملغى من الكتاب

• لازم تشترى كتاب الدكتور .. عشان لو مااشترتوش غالبا هتجيب فى الماده ض.ج ( ضعيف جدا )

Lectures-1906.jpg

• تعالى على نفسك واحضر اخر محاضرتين من كل مادة عشان دى بيكون فيها البهاريز

• هتلاقى وانت فى الكلية دكتور عنده سمعه انه بيسقط ناس كتير ومعقد شخصيا … وده هتتعامل معاه ازاى ؟؟ ده ماتحضرلوش اى محاضرة لان حضورك لمحاضراته مضيعه للوقت الى ممكن تقضيه مع صاحبتك بره

• ابعد عن المدبلر .. المدبلر هوه الشخص الى بقاله سنه واتنين فى نفس السنة دا الافضل تاخد من الخبرة عن اهنى كافتيريا حلوة فى الكلية او الاماكن الشمال الى فى الكلية عشان تبعد عنها .. الشخص ده بيكون بنك معلومات بس بيمد غيره بالطاقة السلبية عن المذاكرة

• الفاينال .. الفاينال ياخونا قدار انه ينجحك بنسبة 100% وخاصا لو فاينال بتاع معيد

• انك تسقط فى مادة دى حاجه طبيعية جدا وصحية كمان اوعى تعقد نفسك 

tumblr_o784t583Ex1uvt8uzo1_1280.jpg


تظبيط البنات

وده بيشغل اهتمام 80% من طلبة الجامعة واكتر من المذاكرة تحس انه داخل هدفه الاول والاخير انه يظبط بنات ..

• انك تتعرف على البنات مش حاجه صعبة خالص .. لانهم هما كمان جايين عشان يتعرفوا

• اهم شىء فى الموضوع انك تختار الوقت الصح والكلام الصح وانت داخل تتعرف على البنت

• فى طرق سخيفة وسهله عشان تتعرف على بنات انصحك تبعد عنها .. زى سؤال ممكن اصور المحاضرات ؟؟ .. او حجز مكان فاضى جمبك عشان تقولك حد قاعد هنا تقولها لا وتقوم قاعده جمبك

• اوعى تكون من الى بيفضل يبص على البنت الى عايز يكلمها وبس ومن غير مايعمل اى خطوة عشان يتعرف عليها .. لو انته كده .. يبقى هاتفضل تبصلها الاربع سنين وفى الاخر ممكن تكتشف انها حوله اصلا

hqdefault.jpg

• لو اتعرفت على البنت الى مش بتفوت محاضرة يبقه انت كدا برنس بس دى مشكلتها انها مش هتكون متاحة معاك غير فى الفترة المسائية فحاول تعوض الوقت ده مع بنت تانية فى الفترة الصباحية

• مافيش حاجه اسمها حب وجواز فى الجامعة ياخونا .. عشان ماتدمرش هرموناتك وجهازك العصبى .. قضى وقتك واعرف انك لو حبيت بنت هاتجيلك بعد كام شهر تقولك انا متقدملى واحد وجاهز وشغال فى الكويت

• بلاش تفضل داير على حل شعرك تدور على بنات فى كليات غير كليتك .. عشان سمعتك مش هتكون تمام فى دفعتك

• اوعى من اول اسبوع تحكم ان كليتك مافيهاش بنات حلوة .. لان البنات الحلوة مش بتحضر من اول اسبوع يا افندى

عيش حياتك واطلع كل الرحلات وقضى وقتك بالطول والعرض فى الكلية قبل ماتتخرج وتتفرغ على القهوة وتدخل فى وجع القلب  

ينصح بمشاهدتها

الإعلانات

قد يعجبك ايضاً

خمس تصرفات هتخسرك الوظيفة لو عملتها فى الإنترفيو 14 نصيحة علشان تعجب بنت single مبتفكرش فى إرتباط كام شغلانة لو فاتك الميري "إتمرغ" فى ترابهم ازاي تختار عروسة وانتا ملكش علاقات كتير