منوعات
05 ديسمبر 2016 ( 15373 المشاهدات )
الإعلانات

أشهر ١٠ معلومات جنسية خاطئة

 


                                                           
 

١- العادة السرية بتنتهى بعد الجواز

 

العادة السرية بتنتهى بعد الجواز

 

معتقد قديم مع إنها عملية طبيعية جدا. يبقى الأضرار الزيادة غير المنطقية هـ تيجى منين؟ فيه دراسة كبيرة اتعملت فى الفترة الأخيرة قالت إن ٨٥٪ من الرجاله و٤٥٪ من الستات بيمارسوا العادة السرية. والأغرب من كده لما اقتصرت الدراسة على المتجوزين طلعت نسبتها أكبر بينهم.

 


 

٢- الستات بتنقى الراجل

 

الستات بتنقى الراجل

 

فيه دراسة اتعملت فى ٣٧ دولة توصلت إن  شكل الست بالنسبة للرجاله مهم فعلا وبيهتموا بيه قبل الجواز وبينقوا على أساسه. لكن الستات ما بيفرقش معاهم أوى شكل الراجل أو صحته، قد إن يكون معاه فلوس وسنه صغير ويقدر يجيب بيت. وكمان بيهمهم جدا إن الراجل بيخلف علشان يعرفوا يجيبوا أطفال، لكن غير كده شكليات.

 


 

٣- الحجم بيفرق

 

الحجم بيفرق

 

من أشهر الحاجات المنتشرة الغلط إن الستات بيفرق معاهم طول العضو الذكرى للراجل. الرجاله كمان بتهتم بالموضوع ده، وممكن يعمل لهم إحباط أو يأثر على حياتهم. فيه دراسة حديثة قالت إن طول العضو الذكرى ما بيفرقش مع ٨٠٪ من الستات، و ١٠٪  بس الطول مهم جدا لهم. الطول الطبيعى هو من ٩-١٥ سم، ولو قل عن ٧ سم يعتبر مشكلة. أما طول  العضو عند الموديلز بتوع أفلام البورن ده مش طبيعى!

 


 

٤- أقل حاجة نص ساعة

 

أقل حاجة نص ساعة

 

من أشهر الخرافات عن سرعة القذف عند الرجاله هى النص ساعة. وبيحاولوا بكل الطرق إنهم يوصلوا للمعدل ده على أساس إنه الطبيعى. لكن الحقيقة إن المعدل الطبيعى هو من  ٦ لـ ١٠ دقائق. أما فى حالة إن فترة العلاقة قلت عن كده وبقت ٣ دقائق أو أقل، يبقى ساعتها تعتبر مشكلة.

 


 

٥- الستات بينبسطوا زى الرجاله

 

الستات بينبسطوا زى الرجاله

 

على عكس الرجاله خالص، الستات ممكن تمارس العلاقة الجنسية، من غير ما توصل للنشوة. وظهر الكلام ده فى دراسة عن الستات اللى عندهم صعوبات فى الوصول للنشوة، وطلع ٨٥٪  منهم راضيين جدا بالعلاقات بتاعتهم.

 


 

٦- الأفلام الإباحية بتدمر العلاقة

 

الأفلام الإباحية بتدمر العلاقة

 

فيه دراسة اتعملت على ٨.٣٧٦ شخص وتوصلت لأن مشاهدة المقاطع الرومانسية الإباحية بشكل قليل أو متوسط مفيد للأزواج، وحسنت علاقتهم الجنسية. وأثبتت النسب إن ٧٦٪  من الرجاله المرتبطين بيتفرجوا على الأفلام الإباحية لوحدهم.  و٣١٪  من الستات المرتبطين بيتفرجوا لوحدهم كمان.  و٤٥٪  منهم بيتفرجوا مع بعض.

 


 

٧- الرجاله دايما جاهزة

 

الرجاله دايما جاهزة

 

الناس كلها فاكرة إن الستات مش دايما مستعدة للجنس، إنما الرجاله مستعديين فى أى وقت ومش فارقة معاهم. لكن الدراسات كشفت إن الرجاله كمان مش دايما مهتمين بالجنس والحب. وأيام الشهر بالنسبة لهم مش زى بعض، وتغييرات هرمون التستسيرون اللى اتعرفت دلوقتى بإسم "الدورة الشهرية للرجال" هى اللى بتتحكم فى الموضوع ده. وساعات بيبقى الراجل فى اليوم نفسه له مزاج، وبعدين يتعب وينسى الحكاية دى. وفيه دراسة نفسية تانية بتقول إن الرجاله اللى بيقولوا على نفسهم إنهم دايما على إستعداد لإقامة علاقة، بيبقى عندهم مشاكل جنسية.

 


 

٨- الجنس نشاط يومى للى بيحبوا بعض

 

الجنس نشاط يومى للى بيحبوا بعض

 

الناس العادية والطبيعية هى  بتاعة مرة أو مرتين فى الأسبوع ودول نسبتهم ٤٥٪.  وفيه ناس معدلهم من مرتين لتلاتة فى الأسبوع. إنما أى حد مهتم بأكتر من ٤ مرات فى الأسبوع يعتبر مش طبيعى حبتين، ودول نسبتهم ٧٪ .

 


 

٩- العيب دايما فى الراجل

 

العيب دايما فى الراجل

 

الحقيقة عكس كده خالص، مش دايما الضعف الجنسى من عند الراجل. الإتنين ممكن يبقى عندهم مشاكل. الأرقام بتقول إن من٢٠-٣٠٪ من الرجاله عندهم ضعف جنسى، ٤٠-٥٠٪ من الستات بيعانوا منه. وده بـ يرجع لأسباب عضوية بتظهر بعد سن الأربعين زى السكر، والضغط، وأمراض الشرايين التاجية، والكوليسترول، ومشاكل الهرمونات، وبعض الأدوية. ويرجع لأسباب نفسية عند الشباب زى القلق، والإكتئاب، وإنعدام الثقة بالنفس، وقلة الحب.

 


 

١٠- مفيش علاقات بعد سن الـ ٦٠

 

مفيش علاقات بعد سن الـ ٦٠

 

صحيح عدد العلاقات الجنسية وأدائها بيقل علشان الصحة مش قد كده، لكن ده ما يمنعش إنها موجودة، وإن ٦٠٪  من الرجاله و ٦٤٪  من الستات بيبقوا مبسوطين بعلاقاتهم فى السن ده.

 


 

المراجع

 

World Health Organization

 

The Urological Diseases Study Institute

 

Pubmed.com

                                   

ينصح بمشاهدتها

الإعلانات

قد يعجبك ايضاً

قواعد لف السجائر الأربعون أجمل 10 نساء في العالم عام 2016: إحداهن تبلغ من العمر 18 عامًا ازاي تظبط بنات في الجامعة أكتر ٦ شغلانات مفهومة غلط في مصر